Аграсядзіба «Даліна Утульнасці»

Аграсядзіба «Даліна Утульнасці» знаходзіцца ў 12 км ад Мінска – у вёсцы Сёмкава, на тэрыторыі ландшафтнага парку ў англійскім стылі XVIII стагоддзя.

На тэрыторыі аграсядзібы захаваны ўсе здаровыя дрэвы, якія раслі тут да пабудовы комплексу, таму захавалася атмасфера старасвецкага парку.

Адна з альтанак комплексу ідэальна падыходзіць для назірання за птушкамі: яна знаходзіцца на больш высокім месцы, чым іншыя пабудовы, у гушчары парка, побач з дупламі жаўны. На тэрыторыі максімальна захавана натуральная расліннасць паркавай зоны, што ўяўляе цікавасць для даследчыкаў флоры і аматараў адпачынку на дзікай прыродзе. Пра велічную гісторыю Сёмкава вам будуць нагадваць і прадметы інтэр’ера банкетнай залы, рупліва сабраныя гаспадаром аграсядзібы.

Побач з комплексам праходзіць часткова захаваная пад’язная дарога да палаца, паабапал якой растуць ліпы. Іх узрост – больш за 200 гадоў, а дыяметр – каля трох метраў! Ад сядзібы рукой падаць – каля 200 метраў – да сядзібна-паркавага комплексу “Сёмкава”, дзе можна бавіць час самастойна ці замовіць адну з экскурсій.

Размяшчэнне

На тэрыторыі аграсядзібы “Даліна Утульнасць” знаходзяцца 2 гасцявых дома з усімі зручнасцямі. Першы дом разлічаны на 6-8 чалавек, другі – на 8 чалавек.

Арганізацыя мерапрыемстваў

Банкетная зала на 30–35 чалавек (магчыма асобная арэнда)

Танцавальная зала са святламузыкай

Харчаванне

Арганізавана, пад замову (банкетнае меню, абеды)

Самастойна (маецца абсталяваная кухня з неабходным посудам)

Альтанкі

2 альтанкі на 10-15 чалавек

1 на 70 чалавек з зонай барбекю

Лазня

Руская лазня. Парыльня на 10 чалавек.

Спорт

Спартыўная пляцоўка для гульні ў тэніс і міні-футбол. Більярд на тэрасе.

Віды адпачынку

Лазня. Спартыўныя гульні. Святы. Вяселле. Карпаратыўны адпачынак. Юбілеі.

Дадатковыя паслугі (па папярэднім запісе)

Забаўляльная праграма (на аграсядзібе)

• Вядучы святаў, вяселля, карпаратыва (па-беларуску);
• Дзіцячы аніматар (беларуская і руская мова);
• Заняткі ў тэатральнай студыі “Мара Хмары”;
• Вечар традыцыйнай песні, танца, музыкі;
• Міні-спектакль, традыцыйныя песні і музыка да каляндарных святаў: Каляды, Масленіца, Купалле, Дажынкі, Дзяды і г.д.;

Майстар-класы

• Фларыстыка (букеты, вянкі, габелены, кампазіцыі і г. д.);
• Гліна (посуд, цацкі, музычныя інстументы);
• Гіпс (магніты, барэльефы, сувеніры);
• Традыцыйныя танцы;
• Ценевы тэатр;
• Экалогія і мы (сарціроўка смецця, арганічная гаспадарка, выраб дамкоў і сталовак для птушак і г. д.)