Часовыя абмежаванні на перасячэнне беларускай мяжы зняты

Пастановай Савета Міністраў Рэспублікі Беларусь ад 31 сакавіка 2022 года нумар 197 "Аб змяненні Пастановы Савета Міністраў Рэспублікі Беларусь ад 30 кастрычніка 2020 года нумар 624" з 3 красавіка 2022 года адменены раней уведзеныя абмежаванні на перасячэнне граніцы ва ўмовах COVID-19.

Для замежных грамадзян і асоб без грамадзянства ўезд у Беларусь і выезд не абмежаваны. Разам з тым, для ўезду замежнікам неабходны ПЦР-тэст (сертыфікат аб вакцынацыі). З больш падрабязнай інфармацыяй аб парадку і правілах перасячэння мяжы можна азнаёміцца ​​на нтэрнет партале Дзяржаўнага пагранічнага камітэта Рэспублікі Беларусь.

Аднаўляецца наведванне бязвізавай тэрыторыі "Брэст-Гродна" ў адпаведнасці з Указам Прэзідэнта Рэспублікі Беларусь ад 07.08.2019 № 300 "Аб устанаўленні бязвізавага парадку ўезду і выезду замежных грамадзян" з мэтай наведвання бязвізавай тэрыторыі "Брэст-Гродна".

Бязвізавую тэрыторыю, даступную для індывідуальных турыстаў, складаюць тэрыторыі Бераставіцкага, Ваўкавыскага, Воранаўскага, Гродзенскага, Лідскага, Свіслацкага, Шчучынскага, Брэсцкага, Жабінкаўскага, Камянецкага, Пружанскага раёнаў, а таксама гарадоў Гродна і Брэст. У складзе арганізаваных груп турысты могуць наведваць усю тэрыторыю Брэсцкай і Гродзенскай абласцей.

Нагадваем, што замежныя грамадзяне без адкрыцця віз могуць прыехаць у Беларусь на бязвізавую тэрыторыю "Брэст-Гродна" у турыстычных мэтах на тэрмін да пятнаццаці сутак.

Перасекчы Дзяржаўную мяжу Рэспублікі Беларусь для наведвання бязвізавай тэрыторыі «Брэст-Гродна» можна ў аўтадарожных пунктах пропуску Брэст (Цярэспаль), Дамачава (Славацічы), Беняконі (Шальчынінкай), Бераставіца (Баброўнікі), Пясчатка (Полаўцы), Прывалка (Райгардас) таксама пунктах пропуску на чыгуначных вакзалах Брэст (Цярэспаль) і Гродна (Кузніца Беластоцкая). Акрамя таго, пункты пропуску даступны ў аэрапортах гарадоў Брэст і Гродна.